حالة ملل
الكاتب: وائل البطراوي
حالة ملل و الوضع سـاء
و الرغبة قلت و الأشتياق
و الحب ضاع بين البشر
والظلم زاد جداً و أنتشر
و القلوب أشـــد من الحجر
والخُلق من كتر الحمل داق
حالة ملل
على كل الخلق مسيطرة
بين حقيقة و بين خيال
شايفين أحلامهم متبعثرة
وخط البيان لوحده مال
و أمال بين قيود متجنزرة
و بين عزيمـة گ الجبــــال
حالة ملل
عند الكل صغير كان أو كبير
وده شئ مهم وشئ خطيـــر
حالة صعب يوصفها الكلام
أسئلة و محتــــاجة إستفهام
إحنا ليه مش لاقين الســلام
و الجميع فى همومه أسيــر
حالة ملل
و الحضور بقى يشبه للغياب
و الفرح بين حقيقة و سراب
و النفس بقت تهوى السكون
و الغالى بقى فى لحظة بهون
و العيون قافلة عليها الجفون
رافضة حتى العتــــــــــــــاب
حالة ملل
عاملة خلل مالى حياتتا كلها
الدنيا متغيرة ولا ده أصلاً طبعها
ما بقتش عارف وتايه انا حيـران
يمكن أكون خايف.. يمكن ندمان
يمكن مش شايف محتاج برهان
يبين لى الحقيقة وأصلهـــــــــا
حالة ملل
