آه وآهين من اللمة الكدا
الكاتب: وائل البطراوي
اللمة الكدابة
راحوا فين الصحاب
وأيه فى الدنيا غيرهم
كنا ونس وكانوا أحباب
ياريت حد يفكرهم
استحلوا ليه الغياب
و مين على البعد قدرهم
صحبة وحشانا لمتهم
أتاريها
لمة كدابة فى دنيا قلابة
وزفة زى قلتهم
عايشين فى غابة طباع وغلابة
وناس بتنسى صحبتهم
اللقمة…. كات مقسومة نصين
والهدمة………..مش مهم لمين
والدمعة لو تبان مرة فى عين
يبكوا عليها سوا الأتنين
وما تهون والله دمعتهم
أتاريها
لمة كدابة فى دنيا قلابة
وزفة زى قلتهم
عايشين فى غابة طباع وغلابة
وناس بتنسى صحبتهم
كنا…. فى المرة والحلوة وياهم
ولا مرة………. فى شِدة سبناهم
صحبتنا…….. ما بقتش عجباهم
نسيونا……….. وإحنا لم ننساهم
وتملى فاكرينهم
أتاريها
لمة كدابة فى دنيا قلابة
وزفة زى قلتهم
عايشن فى غابة طباع وغلابة
وناس بتنسى صحبتهم
أخوات كنا……. وكنا السند ليهم
عليهم هونا….وجرحونا بإيديهم
كانوا فى عيونا وفرحانين بيهم
سابونا… و ما تمر معروف فيهم
و صبحوا زى قلتهم
أتاريها
لمة كدابة فى دنيا قلابة
وزفة زى قلتهم
عايشن فى غابة طباع وغلابة
وناس بتنسى صحبتهم
