مبارك
الكاتبة: آمال عبدالرحمن
مبارك
ياللى بعت الحب
واسترخصت حروف معانيه
وجيت ع القلب
اللى استوهم انك ليه
دا بعد الشر على وجودك
ماعاد فارق ورودك فيه
يمكن لما داق الظلم
وقلبك جاى يعادييه
وجابله الحزن بالألوان
وشايفه بين الجميع إفيه
ماهو قلبى صبح متهان
وعزه نفسى تمنعنى
اكون تانى لجناب معاليه
وقرر قلبى يكون متصان
وكيف الجوهره متعان
ولا يشوفه ولا يمسه
غيرالاصيل اللى هيقدر
يكون بدرجه انسان
انسان ينسى الهم والأحزان
ولا يبعت لعينى الدمع والخذلان
ولا يوصف للوجع عنوان
ويبعد عنى معنى الأه
ويطمن قلبى ف كل أوان
وايه يعنى
كفايه دموع
مهما قلبه ودعنى
كفايه الجاى
عرفت من شارى
ومين باعنى
كفايه القلب
بقرب الصح سمعنى
كفايه دموع
وايه يعنى ..القليب موجوع
والضربه كانت الموضوع
سابت علامه
تبين الخادع من المخدوع
وايه يعنى
وعدت زى صوت مسموع
وضماير شبعها الجوع
خلاص القلب اهو اتعلم
يقول للماضى مفهش رجوع
وايه يعنى
لما الروح تروح منى
وأفضل باقى العمر مستنى
وأعيش على أمل حياه تودعنى
واهى دنيا تمامها خضوع
