ساعة زمن _ بقلم أسماء عبد الله

ساعة زمن

بقلم: أسماء عبد الله

ساعة زمن

فيها وقت ما بين عالمين
نُص بيحلم يتحقق
والمتسرسب له دين ….
ماسك على طرف جناحه
غرقان ف الكون وبراحه
وبيتفقه في الدين

نفسه يحلق ويطير
والأرض بجاذبيتها
فرشت معجم تفسير
فخياله حسب شدتها…
على عقل دواه موزون
وفي قلب هواه مجنون
وضمير مكتوبله يكون….
موجوع بين الحالتين!
له صوت بيقوله يا وقت..
اخرج روح العلمين
اتفسح شوف الدنيا
وافرح زي العايشين
والتاني يقول للوقت….
ممكن تخلص دلوقت
ازهد في الناس وحياتك
واحسن ليهم الاتنين
الإنسان ضيف ع الدنيا
والوقت ان طال…..
…. ساعتين..