أنا مش محبوس

أنا مش محبوس ولا متقيد

ولا سور على أفكاري مسيد

أنا حر بعيش بين الأفنان

أغرس شجرة وأزور بستان

عمري ما كنت موَلِي ولا عبوس

أفكاري حروف فيها دليلي

بسلك من طرقاتها سبيلي

ولا عمري نهرت ظلام ليلي

لو حتى ادتني الدنيا دروس

طول ما أنا عايش أهوى الحكمة

وأتوج من نور الكلمة

أكتب وأكتب من مكنوني

حرف مرابط بسمة ونسمة

وبراعي المولى ف أقوالي

وأصاحب العدل ف ترحالي

صوتي هو يا دوب حالي ومالي

لو كان محسوس