أدبي

سكون القلب

وقت النشر : 2021/12/16 07:52:24 PM

سكون القلب
بقلم: مروة كرم محمد رشاد

قلوب البشر كلها أنواع لكل قلب معنى ومغزى
في اللي قلبه قايد نار عايش على لوعة الحب بيتغذى
واللي قلبه لسه بينزف ومن سهام الغدر لساه بيتأذى
وقلب جواه طير بيطير، بس مش لاقي له مرسى
وقلب نبضه كله شوك حبايبه ماليينه قسوة

لكل قلب معنى ومغزى
كل نبضة حب فيها وخزة

ما لك يا حب
روحت فين، وليه مش على قلوبنا حنين؟
ولا قلوب حبايبنا ماليها القسوة؟
ونحب تاني مين؟ القلوب كلها أوجاع وأنين
لكل قلب معنى ومغزى
قلب فارق حبيب عزيز عليه
ولا كان على حبيبه له دلالة ولا معزة

ونشوف الصبر فـ قلوب عاشقين
اللي عشقه في نار قايدها شوقه
تشوفها فـ نورها تقول الله! بهية.
واللي عشقه في قيد سكوته
مش طايل يا عيني الحرية
واللي عشقه في الورد شوكه
رغم جماله مليان أسية
واللي عشقه في زيادة عواطفه
هيفضل ينزف دم من طيبته السخية

قلوب البشر أنواع، لكل قلب معنى ومغزى
قلوب البشر نبض وإحساس على الحب بتتغذى
فراعوا حرمة سكون القلب، وخلوا ليكو شوية معزة
لا تكونوا شوكة في قلب حبيب، ولا سهم حزن ولا قسوة

” يا ريت نكون للحب أعظم صورة، وأكبر مرسى” 

سكون القلب.

شاهد أيضاً
إغلاق
زر الذهاب إلى الأعلى