أدبي

أحبك-أكرهك

وقت النشر : 2021/12/20 05:45:33 PM

أحبك-أكرهك
بقلم: الشاعر الساخر
محمد نزاهة

زي ما أكون بفتكر
وردة شاهدة ع السهر
مسكتها بإيدي
الغريب، عاشق كَـفر
واحدة واحدة من وريدي
بتحبني مبتحبنيش

الطبيعة زي اللي عشناه عمرنا
وكنا نسمع أو حتى نقرا
عن قصه زي حبنا
فِــطرة اتولدنا بيها طبعا كلنا
والحب بنقول حقنا
والسؤال؟!
يا ترى
الحب دا مسيره يعيش؟

الإجابة عليه بصعوبة
لحتى لازم منه توبو
وإزاي يعيييييش؟!!!

ذات صلة

أحبك..أكرهك

معادلة متناقضة ونهاية
طب هنسمع الحكاية
ولو إنها بقت في نظري
متساويش

حبيتها وهي كمان حبتني
والظروف أو أي حِـجّة
أهو بنعلق عليها شماعة
أي بتاعة
يوم ما باعتني
صحيح
أنا عشت بلون وااااحد
(حب وبس)
نبض يجس
وقلب يحس
آه بعترف ملكتني
حبي ليها كان زيادة
روحي كانت في السما
بترفرف بجناح السعادة
واتضح!
واتضح!
من اهتمامي سابتني
(نطقت يومها بالشهادة)
وجرحي وعياطي نهنــهااا
منا سبت روحي عندها
ما جتنيييش

بعد غياب طال السنين
شوفتها!!
لأ وكمان قابلتها
العين جات جوه العين
يااااااااااه!
الدنيا دي قد كدا
أوضتين وصالة صغيرين
مهما كبرت الملامح هي هيا
مغابتش عني .. دول يومين
صوتها بيرن في وداني
مش أنين
جوه مني قلت
أحبك
ولا
أكرهك
بس اللي سِـمعني وقتها
هو الحنين
ليه تفتكر جرح السنين
قالي إهدا …
بالراحه كمان بشويش

الحب دا كان إيه؟
في يوم سؤال سألته
مفيش إجابة
غير عتاب وآهات ولوم
هيموت ولا….
يا ترى مسيرة يـعيش؟!

أحبك-أكرهك.

#تمت_المراجعة_والتنسيق_من_قبل_فريق_ريمونارف.

زر الذهاب إلى الأعلى