ﺍﻟﻀﻔﺮ ﺳﺎﺏ ﻣﻄﺮﺣﻪ
بقلم: وحيد علي الجمال
ﺍﻟﻀﻔﺮ ﺳﺎﺏ ﻣﻄﺮﺣﻪ
ﻃﻠﻊ ﺧﻼﺹ ﻡ ﺍﻟﻠﺤﻢ..؟!
لا حاجة بتصلحه
ولا مرة هترجعه
زي ما كان في اللحم
ولا عمره تاني يلم
جرح القرايب غم
ينزف بعينك دم
لازم تكون بتشم
عشان يأثر فيك
وكأنه فعل غريب
إنت اللي بتكرره
وكأنه رد جميل
شكلك بقى شكلي
أصحابي بس كتير
قالوا بتشبه له
قلبي عليه مغصوب
ذنب الوداد مشكلة
نوصل عشان شكلنا
وشوية منه نتوب
حب ﺍﻟﻘﺮﺍﻳﺐ بكش
مبروم على مبروم
صايم على فاطر
قلبي اللي كان موجوع
دلوقتي مات م الجوع
ﻣﺎﺑﻘﺎﺵ ﺧﻼﺹ فاطر
إديله رنه يرن
ودموعي فيه بتئن
يمكن مانتكلمش
واحلف أنا مشغول
والشبكة والتليفون
صدقني انا معذور
لسه يادوب شاحن
عقلي فصل مني
ومعدشي له طاقة
البعد صار موروث
ﻭﺗﺤﺴﻪ ﻣﺶ مرفوض
كتر الجفا والصد
بيخلي قلبي يصد
بين الذنوب بقى توب
ويصلي كدا عادي
الناس ركبها الهم
أصل الغلا مفروض
وانا دمي في عروقي
عمره ما كان مايّة
يمكن من الخضة
يهرب كدة شوية
طبع الأصول غلاب
نفسي أزور حضنك
واشبع كدا ف قربك
طبطب على كتفي
خليني اقيم ضهري
أجري واقولك أخ
يا حتة من لحمي
عاشقك يا حضن الأخ
إنت ما تتعوضش
لا عم فيه ولا خال
إفرد حبال الود
بينّا السنين بتمدّ
والعمر صار يجري
نشبع بقى من بعض
لحسن نموت بدري
بقلم: وحيد علي الجمال
