“عجبت ليك يا زمن”
بقلم: حمدى راشد
عجبت ليك يا زمن
وضربت كف بكف
حاولت امشى معاه
لقيت بعود للخلف
حاولت افهم لغاه
والمعنى عنده ألف
وبفهمنا المحدود
بندور معاه ونلف
داويت جراحه بقلبى
ولاجرح منهم خف
إخوات وكنا حبايب
بالدم قبل الروح
شاركنا نفس الطبق
والضحك قبل النوح
الأم نفس الأم
والأب هو أبوه
لعب الشيطان بينهم
الأخ كاره اخوه
صلة الرحم اتنست
والبعد أصبح فرض
وتاهت سنين عمرنا
بين السما والأرض
بقوا لما يتقابلوا
ميسلموش على بعض
