صرخة
بقلم: بشرى محمد
الشروخ في القلوب موسومة
والدموع جوه العيون مسجونة
والفرقة على الحبايب مكتوبة
وكله بيداوى وفاكر
إن الشرخ في الصورة
لكن الشروخ بين جدران الروح
ومعلمة فى القلوب الموجوعة
صورتي وصورتك ياصاحبي مكسورة
زي علاقتنا ما كانت في يوم منصوبة
الشرخ لا في حيطة ولا باقي كسر في الصورة
ده الكسر في الخاطر والروح معطوبة
عيني عالزمن اللي خلى للصاحب تمن
اللي نسي إننا كنا في يوم سوا في صورة
ومهما لزقنا في الشرخ هيفضل يجرح إيدينا
كل مانلمس الصورة
خيانة العهد ياصاحبي شوهت ملامحنا
وبدل مانكون سوا ونداوي شرخ الروح
بقت معانا الشروخ فى حياتنا مش بس في صورة
الوداع لكل صاحب كان مجرد رسمة على حيطة مكسورة
بقلم: بشرى محمد
