تعبت سنين
بقلم: محمد عبد العزيز رمضان
تعبت سنين
بحبك بس مش عارف
طريقي منين
فارقتك بس مش قادر
ومش ممكن
أروح على فين
يا غنوة حياتي غنتها
وخبتها برمش العين
وأول روحي ما شافتها
دي حبّتها بشوق وحنين
سقتني بمر قسوتها
ومن يومها صبحت حزين
وكنت باقول خلاص راجع
دا غاب عني وسابني سنين
تِعبت سنين
وعارفة انا نفسي ألقاكي
وبهواكي بحبك موت
عنيا وقلبي شايفاكي
وسامعاكي
كفاية سكوت
بحبك أيوة مش خايف
وبكرا الحزن راح هيفوت
ويملى الفرح أيامي
ومن تاني هاكون مبسوط
تِعبت سنين
ومش ممكن في يوم هابعد
يا أغلى حبيب
رسمتك صورة جوايا
وكان نفسي
تكون لي نصيب
لقيتك حلم ضاع مني
وكان نفسي
تكون لي قريب
ياريتني يا قلبي
ما عرفته
ولا شفته
سقاني لهيب
وقاللي هاعيش
معاك عمري
ومش راح اغيب
ما شفتش منه
غير قسوة
ومش لاقي
لقلبي طبيب
بقلم: محمد عبد العزيز رمضان
