كن كعازف للكمان على تايتانيك
وسط المحن
طلع لسانك للهلع
ما تسيبش روحك تتخدع
ماتيسبش قلبك يتخلع و يجبرك شئ على البكا
اللى اشتكى
ضيع ساعات الهشتكا
وسنين كتير فى الاكتئاب
وإيه فايدته
ولكل واحد سكته
ونصيبه في كفوف قسمته
حسب الكتاب
ما تبعش روحك للظنون
خليك كما شجر الزتون
خليك كما نصوص القانون
لها فى النفوس مليون حساب
واللي يـفكر في الغياب
ساعده ووفر له السبب
صوم عنه حالًا وابعده
ما الصوم يجوز بردو فى رجب
ما تخافش أبدًا م الغرق
ما العمر مخلوق يتسرق
وان قومت تحسب أد إيه م العمر فات
ممكن تخاف أو تترعب