صُوتك يفَتح زهور
يُفوح منها رحيق العطور
ناي يترجم حروفك
لنور في الليالي
وفي الشتا أدفى
بأنفاس الغرام وتحلالي
ويلالي قلبي لما يبقى بين إيديكِ
ويفور دمي في عروقي
ويسقي الزهور من جمالِك
صوتك رنين بسمعه
يتردد آهات من حور
بحة من جمالها تِهز أركاني
وتفَتح عنيا على صوتك
لما تندهلي وتعزفلي
عزف ناي مع كمانجا
في ليل طويل على العشاق
والقمر بيدور… صوتك هوا الربيع ونسماته
مع الأغصان بيتمايل
بحنية على العشاق ويهدي الورود
ياللي عاشق خدها مني واعمل جسور
من الود واسقي الزهور
أبيات من غزل واهتمام منثور
تلقى الورود نَسمات ربيع تحيي القلوب
تعيش ويا قلبك وتعطر حياتك وتدفي بعبيره
وتحس بنبض قلبك ويا قلبه نبض واحد
بيقول بحبك خليك معايا
مقوي روحي في وقت خوفي
تداوي قلبي تداوي روحي
تاخدني أسمع حروف اسمك يحلو يومي…..
لما تلمس إيدِك إيديا
ألقى نفسي دايب في قلبِك
سارح معاك بين الورود
كل نظرة عين في عينك
تاخدني معاك فوق السحاب
وامسك نجوم السماء وتلمع في عينك
واشوف عينيك
جنة في لقاك ويا النجوم بتدور معاك
وقمر السما منور سمانا
يظهر يحير كل العقول
وكفاية صوته دوب لقانا
ودفى القلوب
