بعد ما ظهرت سيدة مؤخرًا على مواقع التواصل وادّعت إنها “بنت الرئيس الراحل محمد حسني مبارك”، وبدأت تنشر فيديوهات غريبة بتتكلم فيها عن العيلة وتحاول تلفت الأنظار،
واحد من المتابعين وجّه سؤال مباشر لـ علاء مبارك:
“ليه سايب الست دي؟ وليه مش بترد عليها؟”
لكن رد علاء مبارك جه حاسم ومقتضب: “الكلام الفارغ ده لا يستحق الرد.. ومش كل واحد هيطلع يقول كلام فارغ نديله اهتمام”
الرد رغم قصره إلا إنه بيوضح موقف الأسرة، واللي واضح إنها مش هتدخل في مهاترات أو ترد على أي ادعاءات مالهاش أساس.
الخلفية: خلال الأيام اللي فاتت، تداول رواد السوشيال ميديا فيديوهات لسيدة بتدّعي نسبها لعائلة مبارك، وقالت إنها “بنت مبارك” وهددت بكشف أسرار، لكن دون أي دليل واضح أو مستند رسمي، وهو ما اعتبره كثيرون مجرد محاولة للشهرة أو لفت الانتباه.
