فجر جديد
الكاتبة: هدى إسماعيل
يالا نبدأ فجر جديد
فيه الفرح وفيه العيد
يالا نبداء من تاني
فجر جديد كله أماني
كلة سعادة كله أغاني
يالا نبدأ فجر جديد
فجر جديد لأماني وفيه
فيه الفرحة تكون أبدية
ولا كتير يا زماني عليا
إن الفرحة تملي عنيا
يلا نبداء فجر جديد
علشان يبداء عهد هنانا
علشان نحلم من جوانا
إن الأرض تكون عمرانه
بأغاني وورد وزغاريد
إن الحب يعشش فيها
إن العيد يملي لياليها
وعصافيرها للشمس وفيه
تتعلم معني الحريه لاتخاف من جراح ولا صيد
يلا نبداء فجر جديد
فجر نحقق فيه أحلامنا
فيه الحب بيجمعنا
ولا أبدا حاجة تدمعنا
فجر جديد يشرق بالنور
علي أحلام الخلق يدور
ولا يسمح بجراح وكسور
بس سعادة وحب كبير
يملي قلوب العالم خير
ويخلينا يا قلبي نطير
من فرحة أيامنا الجاية
يلا نبداء فجر جديد.
