على قد عينيك ما تجيب
في لسة حاجات ما بانتش
واللي بتملكه في الجيب
في الغيب زيه ما تنكرش
وأحسن أو يمكن أقل
أو يمكن حتى يزيد
في حاجات بتشوفها الحل
وده شيء مش برده أكيد
لكن ممكن لو كان
تقدر حسب الإمكان
تتخيل زي زمان
وتوفر
صرف القرش
علي قد عينيك ما تشوف
وتدقق في التفاصيل
في حاجات وبسبب الخوف
بتشوفها في حجم الفيل
وعلشان تتحقق منها
هتقرب أكتر وأكتر
وتمد إيديك تلمسها
لكن فجأة ما تلقاش لها أي وجود من أصله
كانت وهم وخيالات
دى حاجات من كتر ما نفسك
تلمسها في يوم وطولها
بتقوم من النوم تحسبها
والعرض تقارنه بطولها
وعلشانها خيال مش واقع
بتعيد وتزيد وتراجع
لكن فعلًا مش نافع والناس تضطر تقولها
على هيئة مرة وصية
أو حتي في شكل نصيحة
وساعات في كلام له مغزى
أو معني في جمله صريحه
الشيء ده ما هوش من بختك
ولا كان لك منه نصيب
فانساه بكيفك وإرادتك
قبل ما يزهق ويسيب
