أدبي

يا كاتبنا

وقت النشر : 2021/12/09 10:25:05 PM

يا كاتبنا
بقلم: هدى إسماعيل

صاحبنا إنسان غير عادي
يكتب بإيده حكاياتي
عن جرح عن حلم حياتي
عن إللي فات من أوقاتي
عن إللي حاصل والآتي
يكتب يسطر، يوصف يعبر
كأنه حاسس بآهاتي
========
يا سيدنا جبت ده كله منين؟
هي حياتك هي حياتي؟!
ولاَّ مخاوي كام عفريت
بيحكوا لك عن حكاياتي؟
ولاَّ قلبك طاقة نور
توصل وتكشف المستور
عن ماضي دمر لي حياتي؟
========
والله الكتابة دي شيء مش سهل
تعرف حكاياتي مع الأهل؟!
وإزاي غدرني أحبابي؟!
لكن العتاب على من يكتب
بقلمه حكايات تتعيِّب
تجّرح كل حياة إنسان
كان فاكر إنه عايش مستور
أو يحكي عن حكايات تلفيق
إنها حدثت كدب وزور
من غير حياء من غير تدقيق
========
إن كانت فعلا أخلاقنا
أو فعلا توصف في تاريخنا
أرجوك خلي قلمنا شريف
يحكي عن إللي حقيقي صحيح
ويبعدنا عن كل التخاريف
أفكار غريبة وفكر سخيف
لا يبث فينا فعل خبيث
ولا يُنشر لنا في فضائح
========
يا كاتبنا، اكتب عن الأخلاق
نرجع لها وبكل إباء
نداوي أمراض انتشرت
وأفكار ماليها أي أساس
سَرت بخبث في أوصالنا
بيعلموها لأجيالنا كأنها فعلا حالنا
لكن ماليها أي أساس
========
عايزين نعود بفكر سليم
نملا الحياة زهر وبساتين
أخلاق صحيحة وعلم ودين
وأنت تكون حادي وحاوي
========

شاهد أيضاً
إغلاق
زر الذهاب إلى الأعلى