صفصاف
بقلم: هدى إسماعيل
ويظهر هقضي عمري صفصاف
لا بنول الحلم ولا أرتاح
وصنعت من روحي مجداف
لكل عابر طواف
يحتاج معين على حاله
صفصافْ
أعيش أيامي عجاف
لا يرق لحالي قلب ولا وافي
أحتاج من يرثي لحالي
لكني صَفصاف
أوزع دايما ظلالي
إزاي بقا يرثوا لحالي؟!
يشوفوني قادرة على حالي
وهناء الكل على بالي
إزاي بقا أحتاج لراعي؟!
وأنا عشت للكل أراعي
صفصَاف
ولا ينفع أبكي
صفصاف
ولا أحكي، ولا أشكي
مهما عصفت بي ليالي
صفصاف
هفضل صامد بإرادتي
ولا هنظر يوم للأمس
وهصدق ظلي وده يكفي
هاخد من ذاتي خلاني
أنشر مع ظلي بسماتي
ويكون شذايَ ترياقي
صفصاف
وهنسى جميع عذاباتي
ومش هفكر في الماضي
وأدواي بإيدي أحزاني
وأزيل بصبري حرماني
مهما يا قلبي تعبنا ليالي
صفصاْف
يالا ننسى الأحزان
وتضيء ليالي الحرمان
ونودع جرح كان قاسي
تمت المراجعة والتنسيق من قبل فريق ريمونارف.
