أشوفك فين
يا شوق وحنين
يا أجمل صورة ف عنيا
بقالها سنين
وما نسيتك.. ولا هنسى
ولا كلمة ولا همسة
يا أحلى عيون
في كل الكون
فداك العمر يا عمري
دا كله يهون
يا أصدق حب
برغم القرب
مكنتش شايفة إلا صديق
في أحلى طريق
ولا كان الهوى ف بالي
ودي أكتر حاجة وجعاني
وما عرفتش
وما فهمتش
إنه كان بيهواني
ولو كان يوم يغيب عني
كانت روحي تتوه مني
واحس بحاجة ناقصاني
وكل دا كله معرفتش
ولا فهمتش
إنه كان ف وجداني
ولا صحّتني دقة قلب
ولا قالت دا إسمه الحب
ما انا أصلي مجربتش
ومن شطُّه مقربتش
وما عرفتش
وما فهمتش
ولما مشينا اهو جاني
دخل م الباب
يا أغلى احباب
وقال انه بيهواني
وعاوزني معاه
في رحلة عمر
اكون وياه
وطار عقلي من الدهشة
رجف قلبي من الرعشة
بقيت تايهة ومش عارفة
ليه عمره ما صارحني
وكِيف اقبل.. وكِيف اسمح
دا عمره ما قال ولا لمّح
رفضت وركبت عنادي
وكواني الحنين ف بعادي
ضاع العمر من بعده
ولا شفتش في يوم فرحة
واديني عايشة بتمنى
أقابله في يوم
ولو صدفة
