أنا وسلمى

أنا وسلمى

بقلم هدى إسماعيل

أنا وسلمى
شوفي يا سلمى..

حِلو الحب وحلو العشق

حلو إننا فعلا بنحب

نخلص، نوفي، وندوب حب

حلو إننا نوهب بالروح أيام

منها العطر يفوح

تقطر سعد وتقطر شهد

حلو إننا نسعد حبايبنا

مهما يا سلمى علشانها دوبنا

واتعذبنا واتجرحنا

وكل طريق صعب مشينا

علشَان يرضو

علشان هما ضي عنينا

علشَان هما أملنا في بكرة

علشان هم العمر بحاله، كل أمانه وكل جماله

لكن.!

لما يا سلمى لينا يعاندو

يِنسوا جمال الحب وعهده

ينسوا عذب الحب وسهده

يِنسوا ليالي بذلنا الروح لأجل ما يرضو

لَازم نهرب من سكتهم

لازم نبعد عن دنيتهم

وإلا هتفضل نوهب نوهب

وهما بياخدوا ولا بيرضوا

ولا بيردوا..

وياريت بس لو يفتكروا، ولاّ يحسوا

ليه نفضل عايشين في عذابهم

نفني شبابنا في ذل شبابهم

ليه بس نعيش في النار

زي غريق مش لاقي فرار

ليه علشانهم نطوي حياة

كانت أحلي قبل ما يقسوا

قبل حجودهم أو تعذيبهم

اوعي ياسلمى يخطر لحظة ولو في خيالك

اللي يجرح قلب حبيبه

ويمشي في عز الأزمة يسيبوا

ويزيد ناره وذل لهيبه

إنه في يوم كان بيحب!

ولا يستاهل نبكي عليه ولا للحظة نفكر فيه

أصل كتير الحب عليه

إحنا آمنا لهم، صدقنا، وهما اختاروا البعد وعنده