لأجل النبي
بقلم: مي إبراهيم القاضي
يا رب لأجل النبي
تكتبلي أزور بيتك
وأسجد وأبكي وأنا مجبور
يا حبيبي، إني كده جيتك
يا رب، من زمزم، يا رب ارويني
شَربة ما أعطش بعدها
تروي كل سنيني
وأصلي كده وأطوف
وأرفع للسما الكفوف
وأدعيك وأنا ببكي
وأفتح قلبي ولهمومي
أشتكي وأحكي
يا رب مشتاق
يا حبيبي اجبرني
أجيك في ذكرى حبيبي
يا رب نوِّلني
جينا نحيي ذكراه
لقيناها هي بتحيينا
بتحيي قلوب كتير
ماتت كده فينا
يا خلق صلوا عليه
صلاة تبارك خطاوينا
وتنور كل أيامنا
يا رب من زيارة النبي
يا رب، يا رب ما تحرمنا
ونصلي كلنا ببيتك جماعة
بقلوب مليانة رضا وطاعة
يا رب ببركة سيدنا النبي
ارزقنا بشفاعة
يا رب من زمزم يا حبيبي اطعمنا
يَا رب ببركة سيدنا النبي
يا كريم اكرمنا
صلوا عليه صلاة
تصلح كل أحوالنا
زيدوا صلاة كمان
نحيي بها قلوبنا
يا رب لأجل النبي
تجبرنا بزيارة
تنور بها طريقنا
وتهدي قلوب محتارة
