غربل تشوف
شيماء محمد الجمل
غربل صحابك
في الحياة
يقع اللي باع
ويا اللي خان
ويا اللي عايز يبقى
سارح في الكيان
يعصف بقلب بريء
يسيب جواه حريق
يملا المكان
دخان بيخنق
النفوس
غربل تشوف
كل اللي سقطو
في الامتحان
~~~~~~~~~~~~~~~~~~
لما تعود
وكنا لما نتلاقى
أتوه مني
وألاقيني في حضن عنيك وضامني
وكنت تغيب واستنظر
تروح لبعيد وروحي معاك
وكلي يسيبني يجري وراك
ولما تعود أعود ليا
وأنسى الكون
وتبقى الدنيا قدامي بطعم ولون
دفا وسكون
و أحس معاك
جمال يومي ونور الشمس
وضي الذكرى
وحنانك جمال الأمس
ويرجع كل شيء وياك
وضلاية وقمراية جايبها معاك
