رحال

رحال

بقلم: أمل أمين الخولي

بحبك زي
نسمة صيف معدية
في عز الحر
وأحبك
زي إيد حانية
وبتطبطب وبتداوي
في لحظة قهر
وأحبك
زي ما تكوني كده مني
كأنك ماليه شرايينك
شوية دم من دمي
ساعات تقسي
وأحس معاكي بطفولتي
وتقلبي وش، تبقي أمي
يا نبضة وتايهه من قلبي
وونسي في وحدتي وغلبي
يا روح الروح
وويايا منين ما بروح
ولو صوتك عِلي شوية
أنخ وأبوح
يا صٌحبة خير
لا تعرف حقد ولا تطمع
في حاجة الغير
يا عزة نفس وأبيّه
وطيبة أصل وقوية
لكن مليانه حنيه
هقولك إيه
وأعيدلك إيه
حبيبتي ما انتي حافظاني
وعاجناني وخبزاني
وطول الوقت أنا معاكي
ملازمك وانتي لازماني
دعيت الله، في يوم الحشر
تناديني وأناديكي
ونتقابل بعفوه هناك
وما يلزمني من الدنيا
غير حبك، وحبك بس
كفايا لما بحتاجك
أبص بعيني ألاقيكي