قوللي ازاي

قوللي ازاي

بقلم/ أسماء عبد الله

قوللي ازاي اعتب على دنيا
كل النَّاس منها شاكيين ؟!
اللِّي فارقها واللِّي عايشها
دول أصلًا حبة مساجين
بيعانوا حرمان ونواقص
من حالها اللِّي تملي معاكس
الماينس بيعادي الناقص
ومجموعهم بيساوى أنين
متاخد من راحة بال
أو رزق اتعسَّر وعيال
أو حُب ادَّمَر ومُحال
ينتج عنه ف يوم فرحين
لقلوب دابت م الأشواق
واتعاهدوا في غرام وعناق
تطعنهم من إيدها فراق
وكمان تهديهم بُعدين ؟!!

كلنا فيها صحيح أغراب
كل حيرتنا ما ليها جواب
غير إنها عايشة استقطاب لراحتنا
……..إلى يوم الدين
قوللي أنا هشكي الدنيا لمين ؟!