بحبك يا امه…وندمان

بحبك يا امه…وندمان
رباب سمير غانم

كبرتي يا امه و دارت بيكِ السنين
وأنا في الغربة مستني
أكبَر المال والبنين
نسيت ازاي حكاوينا
و قعدتي علىٰ فرشتك
وقت العصاري ما يجينا
ونتلم علىٰ طاولتك
ازاي يا امه مش شايف
ضهرك اللي انحنىٰ
علىٰ مر السنين انْتنىٰ
بيقولوا حلوة هيئتي
طب مين السبب فيها
عشان تطلع بكامل معانيها
وقت تعبك مش موجود
طب ازاي؟
وانتِ سبب الوجود
عاوزك بس تعذريني
علىٰ تقصيري في خدمتك
علىٰ جرحك وقت محنتك
مش قصدي يا امه أخذلك
ولا اسيب جرحك يألمك
مش شايف نفسي غلطان
مع إنِّي أكيد ندمان
و طول الليل سهران
أفكر فيكِ وسرحان
مقصدش ياه الجفا
ولا البُعد اللي اتنسىٰ
الدنيا خدتني آه
بس إنتِ برضوا موجودة
جوا قلبي محفورة
سامحيني يا امه عاللي فات
وتعالي ننساه بالساعات
دي علاقتي بيكِ مكملة
مع عيالي متممة
أكيد لازم أبِرِّك
ده أنا ابنك اللي منك
دا كل اللي وصلتله
إنتِ السبب فيه
ربي يديمك ليا
جنة بين ايديا