عفويات

عفويات

بقلم: عادل عوف

مش كفاية ولا فيه عندك كلام
مش خلاص
خلص اللي بينا وانتهى

أنت إيه
أستاذ في تجديد الآلام
ودي حاجة سهلة وياما منك شوفتها

مش كفاية

مش قلبت الصفحة بإيديك من زمان
راجع تجدد تاني ليه جرح اتنسى
أنا ياما جتني الفرصة اقلب في اللي كان
لكن إنت فوق نبـوغك مدرسة
مارس هوايتك في الأذية
واتغطنى واتجنى عليا
كان زمان تجرحنى بيا
وأنا اقول لروحي دي وسوسة

مش كفايا

لو لسة فيه كلام تـقوله مأجـــله
ياريت تقوله وابقى متشكر كفايا
كل اللي بينا كان غريب من أوله
فالمنطقي تبقي دي شكل النهاية

مش كفاية
ولا فيه عندك كلام
مش خلاص خلص اللي بينا وانتهى
أنت إيه
أستاذ في تجديد الآلام
ودي حاجة سهلة وياما منك شوفتها