عفويات

عفويات

بقلم: عادل عوف

صبرًا حبيبي الصبر له مجاديف
والبحر عالي وأنت يادوب شبرين
تحرت ضوافرك في الزمن وتضيف
والعمر ساعة أو بالكتير ساعتين

قلبك بياكلك على اللي في رقبتك
شيال بدال الهم تل هموم
فين اللي كانوا في المكان قبلك
أسراب دلاڤين أو حيتان في العوم

الكل زيك أو إنت زي الكل
الفرق واضح في الرضا وهتشوف
ما هي لما ضاقت برده زي الفل
وأحسن كتير م القلق والخوف

فاحرص يكون لك سابقة أو شاهد
إنك بحمد المولى بـتسبح
مخلوق ضعيف بس بـيجاهد
عمار في قلبه بـإيمانه متسلح

طال الوقوف والحيرة إيه يعني
ما هي كل حاجة وليها فضل الأجر
يكفيني ليل فيه رب يسمعني
ومهما طال بـيتبعه بالفجر