سجين الروح

سجين الروح

بقلم: نهى السنوسي

اتولد طفل جريء
بوجه بريء
ملامحه فريدة
ونفسه عفيفة
عاش حياته كلها أحداث وصور وذكريات
الأيام بتعدي عليه كأنها عقاب
وكل يوم مليان اختبارات
أزمات تنزل عليه زي الصخور
ما يصدق يخلي بنفسه
يقفل بابه ويسجن روحه في بيت معزول يسمع دقات قلبه تدق بحرارة تحرك جيوش
يسمع صرخات أفكاره لما تشده في سواد إحباط
يعيش أحلامه بخيوط نسجها خياله
يرسم خريطة بخطوات جريئة
مركز على هدف زي السراب
شايفه زهور وسط الجبال
وسط الوحدة وأنين الروح
يشق طريقه بين تلال ومنحدرات
بيعشم نفسه بالوصول
ويحارب ضعف عزيمته كأنه جندي مجهول
أصلها معركة ولازم يكسبها مفيش بديل
لما يحس بالدقايق والساعات بتعدي زي النار في الهشيم
فجأة يقوم وينفض همومة ويذكر نفسه بالمستحيل
هو متعود يجمد إحباطه ويرميه في نهر الجحيم
هو متعود يرضى بحياته
فهو عابر سبيل…