النهاردة أنا حد تاني
خواطر بالعامية
الكاتبة: دعاء الراجحي
أيوا أنا النهاردة حد تاني
مش حقول أناني
بس بنسى اللي ينساني
أيوا أنا النهاردة حد تاني
بفرح لفرح أصحابي
و حبهم مالي حياتي
والحب مكانه أساسي
بس للى يتمناني
و يحلم بيا ليالي
و يخلي ليله نهاري
و ميسرحش بخيالي
ينزل كده بسقف أحلامي
و يطلع كده لدنيا طموحاتي
حلو الكلام مفيش كلام
بس سمعنا منه كتير يا سلام
ايوا أنا النهاردة حد تاني
قول بياعة قول بتدور على شماعة
تعلق فيها حجج و غلطات
أرجع أقول قول و هات هات
ماهو الل فات حيبقى ذكريات
لو مسمعتش كلامي
أيوا أنا حد تاني
أيوا أنا حد تاني
