أغلى من بحبك
بقلم: محمد نزاهة
أغلى من بحبك
نفسي ألاقي كلمة حلوة
تلـيق عليكي
كلمة أولها تعبر
إحساسها أغلى
لأ وأعلى
من بحبك
تبقى خاصة بس ليكي
زي سهم وفيه شعاع
كلمة من قلبي لقلبك
مش مشاع
لقيس وليلى
ولا حتى هتكون اتباع
لكتب الحب كلها
لو قريتها
أو جات مرة بين إديكي
إحساس وصابني كمان غلبني
لما شفت أنا لون عنيكي
لما شفت نظرة منك
لما دق في لحظة قلبك
لما قلت أنا روحي فيكي
نفسي ألاقي كلمة حلوة
تلـيق عليكي
كلمة أجمل من بحبك
هوّ أنا بجد بحبك؟!
ولا دا عِشق وماليني
زي ما هوّ ماليكي
إنتي جنة بِسحرها
وردة فايح عطرها
لو حد قرب منــها
صدقيني!!
بغير عليكي
نفسي ألاقي كلمة حلوة
تلـيق عليكي
نفسي أوصف بس صعب
والحروف ولا تكفي فيكي
المهم، جه زماني صالحني بيكي
المهم
جه زماني
صالحني بيكي
تمت المراجعة والتنسيق من قبل فريق ريمونارف الأدبية..
نفسي ألاقي كلمة حلوة
تلـيق عليكي
كلمة أولها تعبر
إحساسها أغلى
لأ وأعلى
من بحبك
تبقى خاصة بس ليكي
زي سهم وفيه شعاع
كلمة من قلبي لقلبك
مش مشاع
لقيس وليلى
ولا حتى هتكون اتباع
لكتب الحب كلها
لو قريتها
أو جات مرة بين إديكي
إحساس وصابني كمان غلبني
لما شفت أنا لون عنيكي
لما شفت نظرة منك
لما دق في لحظة قلبك
لما قلت أنا روحي فيكي
