هنتقابل
بقلم :ناجح شرقاوي
مسيرنا فى يوم هنتقابل
مسير أيام الحزن هتعدى
مسير أشواق الوحدة هتهدى
مسير الحى بعد الغربة يتلاقى
ومسرنا فى يوم هنتقابل ….
مسير الفرح يوم هنوعده
مادام الحب لسه على عهده
ومسير أيام الغربة يتبعدوا
ومسير الحى بعد الغربة يتلاقى
ومسرنا فى يوم هنتقابل …
مسير مشوارنا يحقق امانينا
مادام سكتنا عارفة خطاوينا
ومسير الدنيا تسمع غناوينا
مسير الحي بعد الغربة يتلاقى
ومسيرنا فى يوم هنتقابل …
مسير أحلامنا فى يوم ترجعنا
مادام قادرين على الخوف وأوجعنا
مسير الغربة تنسانا تودعنا
مسير الحى بعد الغربة يتلاقى
ومسيرنا فى يوم هنتقابل …
تمت المراجعة والتنسيق من قبل فريق ريمونارف الادبية
