لَا يا قلبي إوعى تبكي
ع اللي راح منا وبلاش كل حاجة بينا عدت
حب تاه منا وما جاش
لا كفاية مش هعاتبك
لسة حبك ما انتهاش
كنت قاسي بعت حبي
والخيانة ما ارضهاش
كل ذكرى ما بينا حلوة
خدتها وما سبتهاش
بس كلمة “إوعى تزعل”
ليه نسيتها ما قولتهاش
سبني وابعد أصلك أنت
سنين ف حبي ما صنتهاش
كنت لعبة لعبت بيها
لا كفاية ما تأذيهاش
لَا يَا قلبِي إوعى تبكي
ع اللي خان كل العهود
ضيع الحلم اللي بينا
راح ومش ممكن يعود
دمع عينه همس قلبه
والليالي عليه شهود
أنت أصبحت ف حياتي
ماضي عدى مالوش وجود
لا خلاص انا مش هصدق
كلمة تانية والوعود
وبإيديك حطمت قلبي
والدموع فوق الخدود
لو هترجع مرة تانية
مش هتلقى غير سدود
لَا يا قلبِي إوعى تبكي
ع اللي باعك من زمان
وانسى إنك يوم قابلته
هو ظلمك يا ما خان
عدي فوق الخوف وإهرب
قبل ما يفوت الأوان
كنت وياك حد تاني
دقت وياك الحنان
بس فجأة بقيت أناني
ضاع حنانك والأمان
بعت أغلى سنين حياتي
خنت حبي وقلبي هان
لاَ يَا قلبِي إوعى تبكي
وافتكر كل اللي كان
