وقت فراغ

وقت فراغ
ما تخليش الليل يوجعنا

مهما نسينا بيفكرنا

باللي وجعنا

إحنا شبعنا

من اللي ظلمنا

واتعلمنا

جوة دموعنا

إن الفجر أكيد هيعدي

ويجمعنا بعد سفرنا

مع الأيام

اتغيرنا لما غرقنا

في قلب دموعنا

ياما سهرنا

وشوقنا ما بينا

كان يسبقنا

زي النسمة في كل مكان

واتشعلقنا مع الأحلام

قولنا كلام وسمعنا كلام

كنا نطير من غير جناحات

ولا تمنعنا حواجز بينا

ولا مسافات

لما بعدنا واتفرقنا

مابقاش حاجة بتربط بينا

بس ما بينا لسة حاجات

لسة انا عايش على ذكراك

أَنا مش عارف بعد رحيلك

إزاي هقدر اعيش من غيرك

أَنا بتنفس لسة عبيرك

أنَا بتغطى برمش هواك

أنا في الهجر هاموت

في غيابك

و احنا مابينا كتير مسافات

أنا مش قادر اصدق نفسي

اللي مابينا صحيح

مش حب

كنت حقيقي بالنسبالك

وقت فراغ

كل حنانك

واللي أنا عشته

أصله خداع

شكرا جدا ع اللي انا شفته

وانا متوهم صدق هواك

بس أنا هاقدر اعيش

من بعدك وامسح إسمك

وانسى هواك

وقت فراغك بالنسبالي

هو العمر اللي هيفضلي

بعد رحيلك عايشه معاك