وعدي كان حُر
بقلم: تهاني بركات
وعدِي كان حُر
لما بعدت ما سألتش
ولا حتى في يوم حنيت
في بعدي عنك ما فرقتش
بس بتقول أنا حبيت !
والحيرة في بعدك تسكني
الحيِرة في بعدك سجن و بيت
بتوحشني و في أحلامي توعدني
أقوم من الحلم أستفسر
ليه الشمس في غيابك بتتأخر؟
يطول الليل و أحزاني
على الواحدة بتتمختر
كأن الشمس مرهونة على بابك
وأفراحي في غيابك بتتبخر
جالي في يوم الفجر
قال افردي جناحك
ذنبي فيكي الهجر
والقلب سجانك
الشمس شاربة المر
ومخاصمة بَحَارك
أنا وَعدي كان حُر
مررني في غيابك
الضد كان الكل
وعيونك أماني و بر
الوعد كان مكتوب
موشوم عليه القهر
جوّايا خنقة صوت
جوايا قايمة الحرب
كل يوم فيكِ بموت
كُل يوم يجلدني الصبر
يا أم العيون جارحة
وضحكها إدمان
جوا الكلام موال
مين يفهمه غيرك ؟
وعنيكِ تفسيره !
بقلم: تهاني بركات
