عفويات بقلم: عادل عوف

عفويات

بقلم: عادل عوف

من فوق خصر النفسية
عندك دلالات مش هيا
تشبه قرص الطعمية
على جسمك وأنت حزين
وهالات فوق عين الواقع
كلها بـ تخص دوافع
لرسيت قولت مانيش دافع
ودفعته بنار
نوبتين
ولاحظت في وسط الربكة
ماسك قلبك م الرُكبة
بتفتش فيه عن فكة
لغرام جمدته سنين
و في أسفل ضهر الماضي
بظهر خُراج مش عادي
أزرق في أحمر في رمادي
صاحب كان له وشين
ف ملخص حالتك
حال
محتاج مكنسة وشوال
وفي شهر ما لهوش هلال
تفحت عمق المترين
وتجيب اللي أنت مضايقه
على اللي أنت أكيد مش طايقه
وتحطه وتكب فوقه
يرقد My Dear Robin