تخاريف
بقلم: وحيد علي الجمالتخاريف
بقلم: وحيد علي الجمال
تخاريف
كان لازم أخبي الليل في عينيكي
ما أنا كنت ساعتها ماسك في إيديكي
وببيع الشمس مع الحواديت
أتاريني صالحتك..
وقت مازرعوا في قلبي وروحي
عيدان كبريت
أنا متوضيتش لما أقاموا الصلاة
في البيت
يممت في قلبك آخر عهد
وآخر سطر وآخر حرف
كأني في حبك أنا شَكِّيت
أنا اتخضيت
ماهو مش معقول
الفجر ينام في ٱيديكي مقتول
مع إن الفاعل عايش بينا
أنا كنت بخرف لما حلمت
إن أنا عديت من فوق السور
أتاريني بدوَّر ع اللي سرقنا
وقت ماشوفتك أخد الدور
معرفش ازي أنا كنت بطير
مع إن ضميرك كان مقفول
تفسير الحلم ماهوش مقبول
طب ليه بتسامح ..
طب ليه السجن ملوش قضبان؟
مع إن حيطانه راكبها كابوس
مش شايف غيرك فيه مسجون
مع إن الحق معاك ..
بيقولوا عليك مجنون!
هي الأحلام وقت الأحزان
بتغيب وتصوم؟!
شايفِك عَمَّاله تهِزي حروفي
تقصد بكلامك ايه؟
دا كلامك نُصه ماهوش مفهوم
وكأن الذنب عليك موصوم
