أدبيمقالات متنوعة

عفويات بقلم: عادل عوف

وقت النشر : 2024/04/21 12:30:40 AM

عفويات

بقلم: عادل عوف

لسة حالًا بفتكر إزاي بقينا
والمستحيل إزاي حصل وافترقنا
إن كان نصيبنا في صدفة بينا واتلقينا
إزاي هنتصرف في خوفنا واشتياقنا

كنا نستاهل نهاية غير كدة
كان فراقنا مستحيل نتخيله
والفراق أصبح حقيقة مأكدة
ياريت نعيد الحب ده من أوله

كان إيه ناقصنا علشان حياتنا تستمر
ورفضنا ليه كل أفكار الرجوع
من إمتى كان البعد حسنة ولا بر
والراحة قهرة وشحتفة وحبة دموع

غلطة حياتي إني وافقتك على الفراق
كان لازم أرفض مهما كانت رغبتك
سكرة مني في وقتها والقلب فاق
مشتاق لحظة قرب لضمة بضمتك

كنا نستاهل نهاية غير كدة
كان فراقنا مستحيل نتخيله
والفراق أصبح حقيقة مأكدة
ياريت نعيد الحب ده من أوله

زر الذهاب إلى الأعلى