الكاتب: محمود اكنيش
فضت والسلام لاعد لوم ينفع لا كلام
امعا لولاف
فضت يارفيقي
و ضاع الود مني ومن عشيقي
صاف الورد فيدي وشاط ريقي
و شال عزيز خلالي أوهام
ابقيت بعيد مانك في طريقي
وضعت اضياع في وسط الزحام
فضت ياودوده
وغاب السمح مول العين سوده
اللي ماعمر خالف في اوعوده
ودوم غلاه يبري فالاسقام
اليوم خلاص صفت يا اوروده
وخلف جرح ماكن فالختام
لاعد برق لانسمع ارعوده
لا عصفور غرد بالانغام
امفيت ادموع في عين امغروده
موش حرام في سود لميام
هلي سمح في نظرة اشروده
وعقله عقل عامر بالأفهام
فضت ما انريد
نجبد جرح دامي من جديد
ايطول الشرح لكن ما ايفيد
انكان حكيت ياما من كلام
صحيح غلاك هوبيت القصيد
وجهك بدر يكنس فالظلام
و طيف هواك عمرا ما ايحيد
انعبت وجيت قاعد ع الدوام
لا ابقديم نرضي لاجديد
أمفيت غلاك ياسمح الابسام
إنزدت إغياب في ودك أنزيد
شوقي فيك فايض عالجمام
وقلبي راه ماهو من حديد
وموش حرون يجري بالجام
فضت يا أصحابي
وراحن فيه محبوبي أتعابي
او صوب في ثورة شبابي
نبني فيه خايف مالخصام
ايضيع غلاه ماهو في احسابي
و راح عزيز شالنه اقسام
انكان حكيت نحرف في اعصابي
قصة حب كاينها منام
طال اجضري واشرط سحابي
فيك الحظ عاكس ياغرام
