العبور
الكاتبة: د.نهي السنوسي
اتمسكنا بالبدايات… وعملنا حساب للناس.
ضحينا بأحلامنا وطموحاتنا.. وقعدنا على أمل موهوم
غرتنا ابتسامة خبيثة.. وراها كتير
اشتغلنا بنية نضيفة… استنينا حب وتقدير
دخلنا تجارب كتيرة… وشوفنا مواقف متتحكيش
كل يوم وجوه بتتكشف أكتر… ونفوس بتخون عهد الأمين
عدينا كل العقبات… واتعشمنا بالسراب
وصلنا لحيطة سد… بتساومنا على الكرامة والكد
كنا فاكرين الرجال… وعد
والاختلاف… احترام
والحب… ود ووقفة بجد
وقتها خدنا جنب وقفلنا كل الأبواب احتراما للنفس
بدأنا نرحم قلوبنا ونرقع جروحنا وننسي الوهم
هنركز في مستقبلنا ونخطط؛ لهد الجبال، وشق الصخور ونمهد لنفسنا طريق الوصول.
هسيبهم للأيام تعلمهم أبجدية المباديء والأصول.
وغيابنا يعرفهم قيمة المضمون.
و إنه مفيش حياة من غيرنا ولا نظام موجود.
نتعشم في النصرة والرفعة وعلو الشأن.
شعارنا في حياتنا ننسي اللي فات، ولا مجال للمستحيل
رحلة عبور ولازم نعديها بكل فخر.
وندونها في تاريخنا المشرف بقلم حبر
